Дали користиме палмино масло?

Работиме напорно да ги отстраниме сите траги од палмино масло од нашето производство и да користиме што повеќе материјали кои не доаѓаат во допир со оваа индустрија...

Скоро е невозможно да го избегнеме палмино то масло бидејќи е маслото кое најмногу се користи во светот и ќе го најдеш насекаде: од био горива до чоколади, слатки, чипс и козметика. Глобалното производство е зголемено два пати помеѓу 2000 и 2012 година, а високата побарувачка доведе до зголемена индустријализација на огледувањето на палми, уништувајќи природни живеалишта и цели еко системи при процесот.

Назад во 2008 година започнавме да го отстрануваме палмино то масло од нашите набавки и започнавме кампања за разоткривање на пустежот на околината од плантажите со палми. Ги охрабруваме нашите купувачи да ги „измијата своите раце од палмино то масло“ како начин да се намали потребата за производство или да се изложат на ризик да гледаат како дождовните шуми и џунглите исчезнуваат пред нивните очи. Дождовните шуми се одговорни за 20% од кислородот во светот и апсорбираат значителни количини на штетниот јаглерод диоксид, па е од витално значење да ги зачуваме, заштитиме, а тие ќе ни помогнат во борбата против климатските промени и глобалното затоплување.

Прифаќаме дека не сите плантажи на палми се лоши и дека има добри примери на одговорно одгледување, но одгледувањето има масивен социјален и еколошки отпечаток кој е неотповикливо поврзан со намалување на шумите, злоупотреба на човековите права, детска експлоатација, загадување и корупција.

„Пролемот не е во палмите, проблемот е во тоа како се одгледувани и како се постапува со нив,“ вели Mark Rumbell, еден од нашите набавувачи на состојките од етички производители. „Нашиот фокус е на намалувањето на употребата на палмино масло со цел да се ослободиме целосно од неговото присуство. Нашата замисла е на добар пат кон остварување...“

Вистината

Палмите се користат како стабилен извор на храна повеќе од 5,000 години и е еден од производите со кои најрано почнало да се тргува, но во Индустриската револуција станале многу барани од британските трговци кои се навикнале да го користат маслото како индустриски лубрикант за машините. Денес се користи во индустријата на храна како масло за готвење или замена за путер, а исто така и во козметиката.

Постојат два типа на палми од кои се произведува масло, Elaeis guineensis и Elaeis oleifer. Од двата типа на палми се прават два вида на масло: палмино масло, кое се прави од плодот на дрвото и масло од семка од палма кое се прави од семето. Во 2017 година во Малазија и Индонезија се произвеле 87% од глобалното производство на ова масло. На цена на тоа, плантажите на палми замениле огромни површини од најстарата тропска дождовна шума на планетата, уништувајќи ги живеалиштата на животни како орангутанот, тигарот и азискиот слон.

Не само тоа, туку и земјата била украдена од племињата на кои им припаѓа и била дадена на корпорациите да ги развијат плантажите за палмино масло. Ова крадење земја типично резултира со злоупотреба на човековите права и конфликт, како и поткупување и корупција кои често се користат за проширување на плантажите. Чим се започне работа на плантажите, тоа обично значи дека е опасна, несигурна работа која е сиромашно платена и на повеќето од нив работат деца.

Палмите се ефикасно растение и тоа е дел од проблемот. „За да се произведе иста количина на масло кое доаѓа од еден хектар палми се потребни три хектари репка, четири хектари сончоглед, 4.7 хектари соја или 7 хектари кокос,“ објаснува Mark. „Со таа математика многу од произведувачите не сакаат да се изложат на зголемување на цените. Ако целиот свет се префрли на користење кокосово масло, тогаш ќе ни треба седум пати повеќе земја за одгледување.“

Одржлива алтернатива?

Не сме доволно убедени дека палминото масло може некогаш да биде навистина одржливо. Но, Round Table on Sustainable Palm Oil (RSPO) разви еколошки и социјални критериуми по кои компаниите мора да се водат за да произведат Certified Sustainable Palm Oil (CSPO) (сертифицирано одржливо палмино масло). Овие критериуми можат да помогнат да се минимизира негативниот ефект од одгледувањето палмино масло кој се покажува во околината и општествата каде се произведува ова масло. Според World Wildlife Fund (WWF), британските трговци, произведувачи и компании кои служат храна се водачи во побарувачката на одржливо палмино масло. Иако ова е позитивен развиток, само 20% од светското палмино масло е сертифицирано, а помалите компании често имаат проблем да ги направат промените кои се потребни за сертификат. Плус, сертифицираното палмино масло е поскапо, па така побарувачката е ниска.

Главниот етички набавувач за Lush – Simon Constantine кој лично ја посведочил трагедијата во Суматра раскажува: „Ако палмите постојат во вистинскиот екосистем и се поставени во вистински однос со околината и луѓето – тогаш се супер. Но, досега не сум видел таков пример.“ Па, како што не успеавме да ги идентификуваме сигурните одржливи извори на палмино масло на кои може да им се следи трагата, решивме да се фокусираме кон наоѓање на алтернативи и отстранување на оваа состојка од нашиот ланец.